August 2023 // Mongolei

Day notes

Rendez-Vous um Flughafen zu Lëtzebuerg. Check-In an Vol op Istanbul Airport. 

Nuetsvol vum Istanbul Airport op den New Ulaanbaatar International Airport.

Day notes

Arrivée um Moien um New Ulaanbaatar International Airport.

Dir gitt vun Ärem lokalen Guide a vum Chauffeur empfaangen an an Ären Hotel an den Gorkhi Terelj National Park transféréiert (1.5 - 2h Route).

Dës Bierger-Bësch-Stepp Regioun, welch zu der südlecher Khentii Biergerkett gehéiert, ass d'Habitat vun enger héicher Variétéit un Villecher a Planzen. Des Weideren fënnt een an dëser geschützter Géigend Moschusdéier, Elchen, Brongbären, Wëllef, Fiiss an Dachsen.

Lunch am Hotel an Freizäit.

Den Nomëtten ginn mir haut den Turtle Rock kucken, eng natiirlech Felsformatioun welch un eng Schildkröt erënnert.

Duerno geet et mat engem kléngen Hike bei d'Aryabal Monastère weider. Den Hike féiert zu enger steiler Strooss welch eis bei eng hëlzen Bréck bréngt déi "D'Bréck vun der Weisheit" genannt gëtt. No der Iwwerquerung vun der Bréck, ginn mir 108 Treppléck erop fir beim Tempel unzekommen. Genéisst vun do uewen eng eemoleg Aussiicht op de gréngen Dall.

Retour zeréck an den Hotel.

Exploréiert den Park ze Fouss oder op engem Päerd.

Genéisst e Welcome Dinner an engem lokalen Jurt Camp.

L, D

Day notes

No engem fréien Frühstück, beginn mir eis an den Osten vum Gorkhi Terelj National Park. Obwuel en nëmmen zwou an hallef Stonnen vun der Haaptstaadt ewech ass, fënnt een am rezent établéierten Gun Galuut Nature Reserve en wonnerschéint Flossdall souwéi eng spektakulär Biergerkuliss ëmginn vu Stepp. Mir hoffen an dësem eemolegen Gebitt déi vum Ausstiewen bedroht Argali Schof souwéi den Weißnackenkranich ze entdecken.

Am Gun Galuut Dall ukomm, ënnerhuelen mir en Hike fir d'Argali an Marco Polo Schof ze observéieren. Dir wäert och d'Chance kréien en lokalen Päerdwrangler kennenzeléieren mat deem Dir bei eng Nomadenfamill reid. D'Mongolei ass eng vun den leschten Päerd-baséiert Nomadkulturen op der Welt. Duerno geet et weider bei den Jurt Camp wou et eng Erfrëschung gëtt. Um Owend geet et zëréck an den Gorkhi Terelj National Park.

Genéisst eng Schaman Zeremonie. Iwwer Joerhonnerten praktizéiert ass Schamanismus déi original Religioun vun den Mongolen, virum Buddhismus. Den Haaptglaawen vum Schamanismus ass d'Geeschter an d'Séilen vun den Vierfahren erop ze beschwören fir méi iwwert de Passé, de Présent an d'Zukunft gewuer ze ginn. 

Owesiessen am Hotel.

B, L, D

Day notes

Nom Frühstück ass et Zäit dem Gorkhi Terelj National Park Äddi ze soen. 

Mir fueren op Ulaanbaatar (1.5h). Ënnerwee haalen mir bei enger rieseger Chinggis Khan Statue an Tsonjin Boldog, an der sech en klénge Musée befënnt. An der Statue féiert e Lift Iech bis ganz uewen op d'Statue, vu wou Dir eng wonnerschéin Vue op d'mongolesch Stepp hutt. 

Arrivée an Ulaanbaatar an Check-in am Hotel.

Duerno steet eng Visite vum Choijin Lama Tempel um Programm, welchen tëschent modernen Wolkenkraatzer localiséiert ass. Den Choijin Lama Tempel beherbergt verschidden Buddhistesch Artefakter aus dem 19. an 20. Joerhonnert. 

Um Owend geet et op den Sukhbaatar Square, deen sein Numm dem Leader vun der mongolescher Arméi, welchen fir d'Onofhängegkeet vum Land gekämpft huet, ze verdanken huet.

Duerno gëtt et en Owesiessen an engem feinen lokalen Restaurant.

B, L, D

Day notes

Haut den Moien gitt Dir fréih op den Flughafen vun Ulaanbaatar gefouert wou Dir de Vol an d'Gobi Regioun huelt.

Dës Wüst ass eng faszinéierend an divers Regioun welch e puer vun den wichtegsten archäologeschen Entdeckungen aus dem 20. Joerhonnert beherbergt. An den neechsten Deeg wäert Dir déi beandrockend Landschaft besser kennenléieren, welch fir vill verschidden Déieren, wéi dem Kaméil, dem Argali Schof, der Gazelle, dem Gëllenen Adler etc. en Habitat ass. 

Bei Ärer Arrivée um Flughafen fuert Dir an den Three Camel Lodge Jurt Camp, wou Dir Iech de Virmëtteg op eegen Initiativ d'Géigend ukucken kënnt oder einfach d'Lodge découvréieren kënnt. 

Den Mëtteg fueren mir bei Moltsog Els, eng vun den wéinegen Regiounen an der Gobi Provinz welch mat Sanddünen couvréiert ass. Exploréiert d'Sanddünen ze Fouss oder op engem Kaméil. Dir hutt och d'Méiglechkeet eng lokal Kaméil-Herden-Famill ze besichen an méi iwwert hiren Dagesoflaf ze léieren. 

Optional kënnt Dir Iech denowend den Havtsgait Valley ukucken, e Site wou een vill verschidden Felsmolereien fannen kann, welch virun iwwer 5.000-7.000 Joer vun Gobi Siedler gemeet goufen. Dëst ass en steilen Hike deen iwwer Kiessteng féiert.

Owesiessen an Iwwernuechtung an der Lodge.

B, L, D

Day notes

Nom Frühstück, fueren mir bei den Tugregiin Shiree, de Site wou déi bekannten "Fighting Dinosaurs" Fossilien vum Protoceratops and Velociraptor an Kampfpositioun an den 1970er Joeren découvréiert goufen. Exploréiert d'Sanddünen vun dëser Géigend.

Retour bei d'Lodge fir d'Mëttegiessen. Genéisst Ären freien Nomëtteg oder huelt Deel un spannenden Aktivitéiten an der Lodge.

Check-Out um Owend vun der Lodge an Transfert op Dalanzadgad. Genéisst Ärt Owesiessen an engem lokalen Restaurant befir Dir op den Flughafen transféréiert gitt. 

Arrivée um 21:30 zu Ulaanbaatar um Flughaafen an Transfert bei den Hotel.

B, L, D

Day notes

Haut heescht et: Äddi Mongolei!

Transfer op den Flughafen fir Ären Vol op Lëtzebuerg via Istanbul.